Yayan - Dadara Hongkong

Cipt: Yayan, Album Seli Salingong

Bua ate ku baketong. Sai long dua mu balong. Telu nosoka mu caong. Kamata lamen ku ketong. Ku ketong dadara balong. Saribu mata nan melong. Sampina dadara hongkong. Nyentik biwer lamen laong. Laong rena bakalikong. Nomongka pato barekong. Kareng tumung seli rebong. Rasate koa ya rempong. Ya rempong rena mangeong. Salingong ampo parikong. Mara bodok penok mikong. Baketong poto ladeng kong. Aku ta poto ladeng kong. Ku kamata bawa bokong. Seseng ila eneng komong. Tu jatu ke loto motong

Yayan - Rembit Pati

Cipt: Yayan, Album: Seli Salingong.

Bulan buntar taneng olat. Kasenar ko gasal untung. Campa tu bosan nonda su'. Mana sakeme dalap su'. Rua no ku beang salu. Lema na to leng tu peno. Sagi jangi ku ruana. Tu peno na gama nuret. Beang mesa ku to susa. Benru ku susa mo aku. Nomonda ne ngelang lawang. Kataket tu ajak miker. Ku piker petang ke ano. Nonda sala mara bulu. Tu peno rembit pati. Pati palajar we adi. Kau tu ya belo lonto. Lamen aku mileng jangi

Cenk - Arap Pamendi

Cipt: Dayat, Musik: Yayan, Album: Seli Salingong.

Ku balangan jendring tampar. Datang umak tampo aku. Do intan pendi ku gama. Na rusak nonda kalako. Nosoda sama ku pendi. Ku tulang les ai mata. Leng sama ngineng parana. Kusatompok melasakan. Nanta jangi parana ngineng. Lo buya pang ada untung. Ngusi leng lebang tu tingi. Dalam selak jambang panamper. Lamen no pendi leng sia. Keme mo pola parana. Ngineng katingka lako len. Aku tu tari pamendi

Cenk - Ate Kakendung

Cipt: Yayan, Album Seli Salingong, Musik: Hery MB

Sengo balagu nyonde rara ate. Panto untung no balabu. Nongka tutu leng melong karante. No rela ate lampa do intan. Sarungan diri leng dalam aku. Nanta parana nanges lamen urung lampa untung. Nanges mo ate jangi nan urung. No roa diri gendras rasate. Gila we nanta ate kakendung. Bolang parana mu bentan ila. Tutu si boa bleng rela. Konang ate nan do sajan rara

Cenk - Tanges Mesan

Cipt: Cenk, Musik: Yayan, Album Seli Salingong

Ano jemat rawi ano. Nempas mo sipi puasa. Bapa bilen aku lalo. Ku riwa jasad no nyawa. Ngasi ate sia lalo. Korong komong sabe ijo. Nong luang ireng ke doa. Ku do mo lampa ke sia. Ku tanges sia. Selir mo panulang mata. Ku totang dana. Beme aku ko katenrang. Nonda luk ku balas jasa. Tendri diri ai mata. Tenris ku sangayap doa sia balangan

Netti Leskayanti - Sayate

Cipt: Yayan, Albun Seli Salingong

Lamen oba mo kajangi. Kaseang manra ban bangka. Ku gincir leng mo kamudi. Lamen bosan mo kakae. Jina tanang tu samanta. No mo lamen sayate. Ka sayate sia kaka. Sangka no buang panyayang. Ta nya andi roa si mu asa. Bua ku asa mo diri. Rungan renung si baringin. Kena bau si kakae ku alo usi rep. Ngibar pio lancang jangi. Ngawang ko satenga langet. Yaleno sia tu sayate

Yayan - Seli Salingong (Video Klip)

Cipt: Yayan, Musik: Heri MB

Ka mu lalo lempat selang. Bangka mu balayar sajan do. Luk rea nanta rasate. Rasate andi nan tingi. Sate turet mandra dengan. Mana leng saket mu layar. Layar jangi ku kamilin. Kamomang ai mata tendri pamendi. Lako seli nyongong salingong. Nyonde salingong pendi jangi. Badede liser seli manra tu kalangke. Nanta yandi nomonda ku gita. We... nanta... Seli... parana... We... jangi... Bilen salingong. Gendras ku pendi do nanta. No... penang... We... jangi... Ku riwa seli kararo