Atiek Orek - Sia Gama Bantal Jangi

Cipt: Jayus, Album: Barempuk, Seroja Group

Kendung ku nyangip kaka e. Sado Intan e. Pedang bao tangal bawa. Ku bantal jangka tama wang. Jangka tama wang kaka e. Sado intan e. No kubeang ya kagiser. Ate sia si ate ta. Ate ta karang tenga let. Na sia sepan ya lasi. Tear sempu ku lontak si. Mana ku bonga bansuran. Gili batu dadi kuber. Ku tutet si santung sia.

Atiek Orek - Buya Rep

Album: Dengke Koce, Seroja Group

Na kanyong ngineng gila e
Ingat olo pamendi
Parana panas buya rep
Beme na beang salingong

Ngineng parana gila e
Ngusi saruntung rep kayu
Ngineng ate bentan susa
Galang somo ai mata

Yan Amir & Atiek Orek - Bunga Eja

Album Kenangan Tana Samawa

Puti kuning bunga eja
Kabok mara tinum lake
Ada ke jangi ku sumpeng

Mampes ko leng sia kaka'
Mara mampes bunga eja
Sia gama tu ya sumpeng

Atiek Orek - Rapo Tokal

Album: Riam Remo Pang Samawa, Seroja Group

Kuneng kemang rapo tokal
Bolang lonto saleng keal
Tu saleng sayang no nyata

Sia buya nyata kaku
Tili leng godong salamar
Leng dalam sia si aku

Yan Amir & Atik Oreck - Basai Ate

Lagu Kenangan Tana Samawa

Nosoda sama nan maras
Mara tu basai ate
Tu tulang muka kemas mo

Kemang satange leng dining
Paboat aji leng mata
To gama diri tusayang